Lea-Artibai eta Mutriku

Ikasturteari agur esateko jaia

Munitibar Ikasturte amaierako jaia egiteko 'Makilakixki'-ren ipuina antzeztu zuten ikasleek herritarren aurrean.

asier alkorta

Munitibarko Herri-Ikastetxeak ikasturte amaierako jaia egin zuen atzo. Haur Hezkuntzako eta Lehen Hezkuntzako seigarren mailara arteko ikasle guztiek udaletxeko areto nagusian antzeztu, abestu eta dantzatu egin zuten.

Makilakixki-ren ipuina abiapuntutzat hartuz, jantzi eta guzti ospatu zuten ikasturte amaierako jaia. Irakasleak laguntzeko bazeuden ere, umeak ondo baino hobeto konpondu ziren.

Aretoa bete-bete egin zen, eta barreak ere entzun ziren bertaratutakoen artean, umeak txiste kontari aritu ziren eta.